RESTLESS LEGS SYNDROME IN PREGNANCY: PREVALENCE, SYMPTOM SEVERITY AND TREATMENT EFFECTIVENESS

0 0

Аңдатпа

Зерттеудің мақсаты – жүкті әйелдердегі тынышсыз аяқ синдромының (RLS) таралуын, клиникалық ерекшеліктерін, қауіп факторларын және емнің тиімділігін бағалау. Клиникалық расталған RLS бар 56 жүкті әйелге проспективті бақылау жүргізілді. Симптомдардың көбіне екінші және үшінші триместрлерде пайда болатыны, темір тапшылығымен, ұйқы бұзылыстарымен және мазасыздықтың жоғарылауымен байланысты екені анықталды. Темір препараттарын қабылдау мен дәрілік емес шараларды қолдану аясында орташа терапиялық жауап байқалды. Жүкті әйелдердегі RLS-тің клиникалық және функционалдық ерекшеліктерін талдау және бақылаудағы топта кешенді емнің тиімділігін бағалау. Зерттеуге 19–38 жас аралығындағы, аяқтарында түнгі дискомфортқа шағымданған және Халықаралық тынышсыз аяқ синдромын зерттеу тобының (IRLSSG) диагностикалық критерийлеріне сәйкес келетін 56 жүкті әйел енгізілді. Әрбір қатысушы IRLS ауырлық шкаласы, Питтсбург ұйқы сапасы индексі (PSQI) және Госпитальдық мазасыздық пен депрессия шкаласының мазасыздық субшкаласы (HADS-A) бойынша клиникалық бағалаудан өтті. Зертханалық тексерулерге гемоглобин, ферритин және сарысулық темір деңгейлері кірді. RLS симптомдары негізінен екінші (41,1%) және үшінші (50,0%) триместрлерде байқалды, ал тек 8,9% пациентте симптомдардың басталуы бірінші триместрде тіркелді. Пациенттердің 82%-ы ұйқының айқын бұзылыстарын, соның ішінде ұйықтап кетудің қиындауын, жиі оянуды және үстірт ұйқыны атап өтті. 64%-ында күндізгі ұйқышылдықтың артуы мен еңбекке қабілеттіліктің төмендеуі байқалды. 71% пациентте аяқ-қолдарда ауырсыну, шаншу немесе қышу сезімі тіркеліп, ол отыру немесе жату кезінде күшейген. Ферритин тапшылығы (<30 нг/мл) әйелдердің 73%-ында анықталды, оның ішінде 32%-ында анемия (Hb <110 г/л) байқалды. Емге дейінгі орташа ферритин деңгейі 19,4 ± 8,7 нг/мл болды. Темір тапшылығы жоқ пациенттерде ауру жеңілірек өтті: IRLS шкаласы бойынша орташа көрсеткіштер 5–6 баллға төмен, ал PSQI бойынша ұйқы сапасының көрсеткіштері 3–4 баллға жақсы болды (p < 0,05). Ерте диагностика және темір препараттарын дер кезінде тағайындау жүктілікті жүргізудің маңызды компоненттері болып табылады және ана мен перинаталдық нәтижелердің жақсаруына ықпал етеді.