Ковид-19 пандемиясы кезінде ағылшын тілін оқыту

Аңдатпа

Дүниежүзілік Covid-19 пандемиясына байланысты карантин кезінде онлайн
оқытуға көшу оқытушылар мен студенттерге әртүрлі теріс әсер етті. Қазіргі заманғы оқыту
формаларын жоспарлау қабілетсіздігі оқу тәжірибесіне қысым мен шиеленіс туғызды, бұл
студенттерге де қатысты. Бұл зерттеу ағылшын тілін шет тілі (EFL) ретінде үйрену кезінде
онлайн білім берудің қиындықтары мен мүмкіндіктерін зерттеуге бағытталған. Нәтижесінде,
бұл зерттеуде онлайн білім берудің тарихи процесі және EFL оқу кезінде онлайн білім
берудің маңыздылығы қысқаша қорытындыланады, сонымен қатар, онлайн білім берудің
қиындықтары мен мүмкіндіктері, онлайн білім алушылар кездесетін ықтимал қауіпсіздік
мәселелері және студенттердің әлеуметтік медианы пайдалану мақсаттары талқыланады.
Зерттеуде Беккердің (2019) қысқартылған «Электрондық оқыту сауалнамасы» атты
сауалнамасы пайдаланылды. Зерттеуге Қазақстандағы Қожа Ахмет Яссауи атындағы
Халықаралық қазақ-түрік университетінің педагогикалық шетел тілдері кафедрасында
оқитын 87 студент қатысты. Бұл зерттеу нәтижелері көрсеткендей, барлық қатысушылар
интернетті жылдар бойы пайдаланады. Қатысушылардың көпшілігі ағылшын тілін интернет
арқылы жетілдіреді және интернетке кіру үшін көбінесе портативті цифрлық
технологияларды қолданады. Жаңартылған ағылшын ресурстарына оңай қол жеткізу, жеке
кеңістікте үйрену, икемділік, жол жүру және тұру шығындарын жою – қатысушылар
негізінен келісетін электрондық оқыту мүмкіндіктерінің түрлері болып табылды. Онлайн
білім берудің негізгі қиындықтары – әлеуметтік оқшаулану, бірден кері байланыс алмау,
онлайн білім беруге теріс көзқарас, өздігінен оқу әдеттерінің болмауынан жоспарлау
қиындықтары және техникалық дайындық пен қолдаудың жоқтығынан цифрлық
технологияларды пайдаланудан қорқу.