MANAGING INCENTIVE PAYMENTS IN PRIMARY HEALTH CARE: BUSINESS SOLUTIONS FOR SUSTAINABLE HEALTHCARE DEVELOPMENT
50 31
Кілт сөздер:
біріншілік медициналық көмек (БМК), ынталандыру төлемдері, нәтижеге бағытталған төлем, жан басына шаққан қаржыландыру, денсаулық сақтау реформасы, медицина қызметкерлерінің мотивациясы.Аңдатпа
Бұл зерттеу біріншілік медициналық көмек жүйесіндегі ынталандыру төлемдерін және олардың денсаулық сақтау тиімділігі мен әділеттілігіне ықпалын қарастырады. Біз төрт негізгі еңбекақы төлеу моделін талдаймыз: қызмет үшін төлем, жан басына шаққан қаржыландыру, нәтижеге бағытталған төлем (P4P) және аралас тәсілдер.
Қазақстан 2009 жылы жан басына шаққан қаржыландыруды P4P элементтерімен енгізді. Біздің талдау осы жүйедегі үш негізгі парадоксты анықтайды. Біріншіден, тәуекелді түзету тетіктерінің әлсіздігі осал топтарға қызмет көрсететін ұйымдардың созылмалы түрде жеткіліксіз қаржыландырылуына әкеледі. Екіншіден, төлемдердің кешігуі қаржыландырудың іріктеп тіркеуге арналған ынталандыру жалпыға бірдей медициналық қамтудың мақсаттарына қайшы келеді. P4P компонентінде қосымша әлсіз тұстар бар: сапа көрсеткіштерінің күмәнділігі, нәтижелерді орындаушыға дұрыс телудің қиындығы және медициналық көмектің деңгейлері арасындағы интеграцияның төмендігі.
Халықаралық тәжірибеге (Қырғызстан, Өзбекстан, АҚШ) сүйене отырып, біз төрт оңтайландыру стратегиясын ұсынамыз: тәуекелді түзету модельдерін күшейту; әділеттілік пен қызмет көрсетушілерді қолдауға көңіл бөле отырып, P4P тетіктерін жетілдіру; төлемдердің кешігуін жою; базалық жалақы, әділ жанбасылық тарифтер және кәсіби даму мен еңбек жағдайларын жақсартуға бағытталған материалдық емес ынталандыруларды қамтитын кешенді мотивациялық жүйелерді дамыту.
Біздің нәтижелер жүйелік қолдаудың болмауы қаржылық тетіктердің кері ынталандырулар тудыруына әкелетінін көрсетеді. Бұл тұжырымдар еңбекақы төлеу саясатын әзірлеу, біріншілік медициналық көмектің сапасын жақсарту және денсаулық сақтау шығындарын оңтайландыруға ықпал етеді.
