CHARACTERISTICS OF POST-COVID SYNDROME IN CHILDREN
0 3
Кілт сөздер:
COVID-19, SARS-CoV-2, постковидтік синдром, гипоксия, нейрон.Аңдатпа
Осы мақалада балалардағы постковидтік кезеңнің неврологиялық ерекшеліктері туралы мәліметтер ұсынылады. Постковидтік синдром (ПКС) – COVID-19 індеті кезінде немесе одан кейін пайда болып, 12 аптадан астам уақытқа созылатын, басқа аурулармен түсіндірілмейтін симптомдар кешені. ПКС-тің клиникалық көріністері алуан түрлі, олардың астарында вирустың триггерлік әсерінен туындаған созылмалы органикалық патологияның дебюті немесе өршуі жасырынуы мүмкін. ПКС – бұл басқа патологияны жоққа шығару арқылы қойылатын диагноз. ПКС-тің негізгі көріністеріне вегетативтік дисрегуляция, когнитивтік және психоэмоционалдық бұзылыстар, тыныс алу, жүрек-қантамыр және ас қорыту жүйелері тарапынан болатын өзгерістер жатады. ПКС-тің негізгі неврологиялық симптомдарының патогенетикалық факторларының бірі – ұзақ сақталатын ми гипоперфузиясы, гипоксия және гипоксемия. Бұл өзгерістер нейрондық құрылымдардың энергия тапшылығына, метаболизмнің бұзылыстарына, сондай-ақ вирус туындатқан ми қыртысы мен қыртысасты құрылымдарындағы нейрондардың құрылымдық зақымдануына әкеледі.
