КОНФОРМАБЕЛЬДІ ТУЫНДЫСЫ БАР ИНТЕГРАЛДЫҚ – ДИФФЕРЕНЦИАЛДЫҚ ТЕҢДЕУЛЕР ЖҮЙЕСІ ҮШІН ШЕТТІК ЕСЕПТІҢ ШЕШІМДІЛІГІ ТУРАЛЫ
96 59
Аңдатпа
Өздеріңіз білетіндей, интегро – дифференциалдық теңдеулердің ерекше жағдайларының бірі бөлшек ретті дифференциалдық теңдеулер деп аталады. Бұл жұмыста конформабельді туындысы бар интегро-дифференциалдық теңдеулер жүйелері үшін шеттік есеп қарастырылған. Қарастырылып жатқан есепке, профессор Д.Жұмабаев ұсынған параметрлеу әдісі қолданылды. Жаңа параметрлер енгізіліп, осы параметрлер негізінде біз жаңа айнымалыларға көшеміз. Жаңа айнымалыларға көшу теңдеудге бастапқы шарттарды алуға мүмкіндік береді. Осының негізінде мәселені шешу арнайы Коши есебі мен сызықтық теңдеулер жүйесін шешуге келтіріледі. Дифференциалдық теңдеудің негізгі бөлігінің іргелі матрицасын қолдана отырып, Вольтерр тектес интегралдық теңдеуі алынады. Біртіндеп жуықтау әдісі көмегімен, интегралдық теңдеудің жалғыз шешімін анықтаймыз. Осының негізінде, арнайы Коши есебінің жалғыз шешімін тауып, шеттік шарттарға қоямыз. Алынған сызықтық теңдеулер жүйесі негізінде бастапқы есепті бірмәнді шешімділігінің қажетті және жеткілікті шарттарын анықтаймыз.
