ТҰРАР РЫСҚҰЛОВ, НӘЗІР ТӨРЕҚҰЛОВ ЖӘНЕ СҰЛТАНБЕК ҚОЖАНОВТЫҢ ТҮРКІСТАНДАҒЫ ҚЫЗМЕТІ
7 6
Кілт сөздер:
Этноэлита, Түркістан өлкесі, кеңестік реформалар, ұлттық-территориялық межелеу.Аңдатпа
Түркістан өлкесінде ХХ ғасырдың алғашқы ширегі аса қуатты қоғамдық-саяси сілкіністер іске асты. Көпэтносты болып қалыптасқан өлкедегі революциялық процесстер барысында қазақ этноэлитасының өкілдері Т.Рысқұлов, Н.Төреқұлов, С.Қожанов сияқты қайраткерлер кеңестік биліктің жоғары эшелонында қызмет жасап, өзбек ұлттық қайраткерлерімен бірге Түркістан Автономиялы Кеңестік Республикасындағы саяси реформаларды іске асырды. Олардың қоғамдық-саяси қызметтерінде кеңестік идеологияның мақсат-мүддесімен бірге жергілікті халықтардың өзін-өзі билеуіне (самоопределение деп аударылады) қол жеткізу болды. Осы мақсатта олардың ұлт мүддесін кеңестік реформалармен кіріктіру әрекеті партиялық билік тарапынан ұлтшылдық, пантүркішілдік деп бағаланды. Осы саяси айдарлар кейін олардың «Үлкен террор» кезінде айыпталып, саяси қуғындалуларына негіз болды. Зерттеудің мақсаты аталған тұлғалардың қоғамдық-саяси қызметіне талдау жасау. Осы мақсатқа сай мақала осы тарихи процестер деректік негізде талданады және баға беріледі.
